Mazaricos conmemora o 25-N, Día Internacional pola Eliminación da Violencia contra as Mulleres, con actividades para todas as idades.

Durante a semana previa, o alumnado de Mazaricos participará en obradoiros para identificar, coñecer e prever actitudes e comportamentos relacionados coa violencia de xénero. 

O domingo 26 de novembro ás 6 da tarde, na Casa de Cultura da Picota, o grupo de teatro da asociación O Xeito representa "Ám@te", unha reflexión sobre a nosa realidade e un convite a repensarmos o que facer para acabar coa violencia. Ao remate repartirase entre as persoas asistentes material da campaña contra a violencia de xénero.