Aberto ata o 21 de xuño o período de inscrición para o VII Campus de Fútbol de Mazaricos, en colaboración co Mazaricos CF. O Campus celebrarase entre o luns 15 e o venres 26 de xullo, en horario de mañá de 10h a 13.30h de luns a venres.

O Campus está dirixido a nenas e nenos de 5 a 14 anos.

O custo de inscrición é de 40 euros para nenas e nenos empadroados en Mazaricos, e 50 euros para nenas e nenos non empadroados no noso municipio. O prezo inclúe a roupa de adestramento. En todos os casos, as e os xogadores do Mazaricos CF terán un desconto de 10 euros.