Infórmase á veciñanza de que o prazo para comunicación previa das cachelas de San Xoán remata ás 14h do xoves 20 de xuño. O trámite farase na Casa do Concello, e débese indicar a hora de inicio da cachela.


Normas básicas:
 

Sempre debe haber xente ao lado do lume.

Non máis de 8 metros de perímetro nin 3 de altura.

Mínimo 12 metros de separación con edificios, e respectando sempre a normativa forestal.

Non pode situarse baixo tendidos eléctricos ou telefónicos, ou preto de depósitos de produtos inflamables.

Prohíbese a queima de pneumáticos, plásticos, escumas de poliuretano, aceites e calquera outra substancia que desprenda fumes tóxicos ao arder.

Non se poden botar no lume recipientes con líquidos inflamables ou gases a presión, nin sequera baleiros.

En terreos públicos, nunca se fará a cachela en sitios onde haxa enlousado ou asfalto que poida ser danado. O pavimento debe protexerse cunha capa de polo menos 10 centímetros de area.

Debe terse auga suficiente a man para apagar o lume.

Rematada a cachela, apagaranse as brasas ata a total extinción e limparase a área de refugallos.