• PODES PEDIR INFORMACIÓN SOBRE ESTE SERVIZO CHAMANDO AO DEPARTAMENTO DE SERVIZOS SOCIAIS DO CONCELLO:

•  981 867 104

• Que é a atencion temperá?

A atención tempera é un conxunto de intervencións dirixidas a poboación infantil de 0 a 6 anos, a súa familia e a súa contorna. O seu obxectivo é dar resposta o antes posible a necesidades transitorias ou permanentes dos nenos e nenas con trastornos no desenvolvemento ou en risco de padecelos. A clave é que, canto mais axiña se detecten as posibles dificultades, os resultados da atención profesional poden ser mellores.
 

• A quen se dirixe a atencion temperá?

Aos nenos e nenas de 0 a 6 anos con trastornos no desenvolvemento ou en situación de risco de padecelos, ás familias e á súa contorna que estean empadroados nos Concellos de Mazaricos, Camariñas, Carnota, Cée, Corcubión, Fisterra, Dumbría, Muxía, Zas e Vimianzo.
 

• Quen pode informar dunha sospeita de trastorno do desenvolvemento nun neno?

As propias familias, as escolas infantís, os servizos sociais comunitarios ou outras instancias que traten coa persoa menor e coa familia. 
No caso de que a sospeita sexa fóra da familia, debe informarse á mesma para que acudan ao servizo de pediatría.
 

• A onde debo dirixirme para obter mais informacion? 

Ao servizo de pediatria que derivará, no caso de que considere, á unidade de AT.  Aos servizos sociais dos Concellos de Mazaricos, Camariñas, Carnota, Cée, Corcubión, Fisterra, Dumbría, Muxía, Vimianzo e Zas.  Aos servizo de orientación do centro educativo no que estea matriculado o neno ou nena.  Ao servizo da agrupación dos concellos anteriormente indicados do Servizo de Atención.