TURISMO MAZARICOS

cultura   camiño  gastronomía  patrimonio festas natureza  paisaxe  tradición 

Benvidos

Un territorio cheo de grandes e variados recursos para quen o visite. Somos zona de paso e descanso no Camiño de Santiago a Fisterra e Muxía. Convidámoste a coñecer o noso concello, a percorrelo e descubrir o noso medio natural. Coñece o noso patrimonio histórico e paisaxístico, degusta a nosa gastronomía tradicional, goza da nosa cultura, das nosas festas e eventos ao longo do ano. Agardamos que este percorrido virtual sexa o primeiro paso para a túa próxima visita a Mazaricos

Cultura
descanso
Descanso
Gastronomía
rutas
Deporte
AVES_Numenius_arquata_AV3E0696FHD
Ruta ornitolóxica
Patrimonio
Paisaxe
Punto de autocaravanas
Caravanas
DSC04870
Festas locais

Un territorio cheo de posibilidades

A nosa contorna non deixa indiferente: bosques, fervenzas, ríos, natureza e patrimonio conforman un amplo catálogo de posibilidades para quen nos visite.

Para os/as amantes dos deportes ofrecemos varias rutas BTT ou a pé, para desfrutar dunha natureza abraiante e dunhas paisaxes rurais dificilmente igualables. Subir en bicicleta os montes da Ruña permite ver todo o val de Mazaricos e Dumbría e, cara ao outro lado, a inmensidade ata Fisterra. Tamén o ascenso ao monte Aro permite contemplar belas estampas do encoro e gran parte da comarca. Para os/as namorados/das do megalitismo é ideal o ascenso ao miradoiro de Corzón, pois de camiño atópase a necrópole de Pedras Miúdas, cuxos túmulos son de entre o 4500 e o 3000 a.C.

Para os/as apaixonados/das da ornitoloxía, Mazaricos é terra de paxaros. Hai 102 aves que, segundo o Listado de especies silvestres en réxime de protección especial e o Catálogo español de especies ameazadas, sobrevoan periodicamente estas terras.

Poder observalas e distinguilas resulta moi fácil desde a primeira senda paisaxística e ornitolóxica existente na comarca. Trátase dunha ruta circular de 27 quilómetros de lonxitude, con principio e fin no miradoiro de Corzón, que percorre as contornas do monte Aro e do encoro da Fervenza, lugares ideais para a observación de especies enormemente vistosas e en perigo de extinción, coma o corvo mariño cristado ou a escribente das canaveiras.

Área de autocaravanas

Para quen busque outras formas de viaxar e coñecer, ofrecémoslles a nosa recente área para caravanas na Picota, con capacidade para 6 prazas e situada nun medio urbano, onde se pode acceder a unha gran variedade de servizos.